搬家到sina.com

朋友介紹，寫中文blog可能到sina.com會好d。好，就試下。各位請移玉步到：

http://blog.sina.com.cn/hongkongblind

願眾鼠輩享往生極樂

朋友在美國做研究，據說每日都要生擋白老鼠。他已擋了白老鼠幾年，相信數目過千。每次他回港我都笑說要為眾鼠輩祈禱祈福，諗一聲阿隬陀佛，願他們享往生極樂。

政府最近透露不再推行「母語教學」，淡化英文中學和中文中學之間的界限，變相否定97回歸後的「母語教學」政策。可憐眾鼠輩最終徘徊於母語和西方極樂之間，不中不英，兩面不是鼠，隱隱墮進無間地獄，永不超生。

身為前教統會主席，不知梁錦松會否每朝每晚諗一篇金剛經或者大慈大悲觀世音，哀念在他帶領下香港有數萬白老鼠為「母語教學」這實驗壯烈犧牲，不能到他及其他「愛國」人士所繪畫的母語西方極樂。

梁錦松，你好呀。

阿隬陀佛。阿隬陀佛。阿隬陀佛呀。




程 介 明 指 粵 語 教 學 死 路 一 條
星島日報 2000/4/1

( 綜 合 報 道 ) 香 港 大 學 副 校 長 程 介 明 批 評 現 時 學 校 以 廣 東 話 作 為 母 語 教 學 語 言 是 「 死 路 一 條 」 ﹐ 如 同 一 項 「 自 殺 政 策 」 ﹐ 他 又 認 為 應 以 普 通 話 教 學 ﹐ 有 教 育 界 人 士 反 駁 ﹐ 程 氏 的 言 論 對 已 實 施 兩 年 的 母 語 教 學 政 策 「 撥 冷 水 」 ﹐ 亦 無 視 在 港 推 行 普 通 話 教 學 所 存 在 的 困 難 。

身 兼 教 育 統 籌 委 員 會 成 員 的 程 介 明 ﹐ 昨 日 在 一 個 傳 媒 工 作 坊 上 表 達 他 個 人 對 教 學 語 言 政 策 的 意 見 ﹐ 在 座 的 教 統 會 主 席 梁 錦 松 隨 即 回 應 教 統 會 對 此 無 既 定 立 場 ﹐ 不 過 他 又 鼓 勵 若 有 官 校 或 資 助 學 校 欲 擺 脫 政 府 對 於 母 語 教 學 的 規 定 ﹐ 可 選 擇 轉 為 私 立 或 直 資 學 校 。

程 介 明 坦 言 他 的 看 法 比 較 嶄 新 ﹐ 他 表 示 世 界 上 沒 有 其 他 地 方 以 方 言 作 為 母 語 ﹐ 故 此 他 認 為 以 本 地 方 言 廣 東 話 作 為 母 語 教 學 並 不 適 合 。 教 育 委 員 會 成 員 李 傑 江 則 認 為 程 介 明 的 言 論 對 現 行 的 母 語 教 學 政 策 造 成 很 大 障 礙 ﹕ 「 新 中 國 成 立 之 前 ﹐ 魯 迅 等 名 作 家 都 是 用 自 己 的 方 言 學 語 文 ﹐ 他 們 的 語 文 都 學 得 十 分 好 ﹐ 難 道 那 時 已 出 現 問 題 ﹖ 」

母 語 教 學 教 師 支 援 中 心 總 監 謝 錫 金 博 士 亦 絕 不 同 意 現 時 的 母 語 教 學 政 策 是 「 死 路 」 ﹐ 他 認 為 教 師 的 普 通 話 水 平 並 不 高 ﹐ 以 普 通 話 教 學 會 出 現 很 大 困 難 ﹕ 「 普 通 話 講 得 好 並 不 代 表 中 文 好 ﹐ 普 通 話 作 為 一 個 科 目 去 教 就 無 問 題 ﹐ 但 如 用 來 教 其 他 科 目 會 導 致 學 生 難 以 溝 通 ﹐ 只 會 犧 牲 學 生 的 學 習 興 趣 。 」

語 文 教 育 及 研 究 常 務 委 員 會 成 員 徐 碧 美 教 授 亦 認 為 整 個 課 程 以 普 通 話 教 授 ﹐ 學 生 會 感 到 吃 力 。 由 於 學 生 在 一 至 七 歲 的 語 文 認 知 及 發 展 起 覑 相 輔 相 承 的 作 用 ﹐ 以 父 母 所 用 的 語 言 教 學 效 果 最 理 想 ﹕ 「 假 如 學 校 用 普 通 話 教 學 ﹐ 返 到 屋 企 要 有 足 夠 支 持 才 可 ﹐ 否 則 學 生 唔 識 都 無 人 幫 。 」 謝 錫 金 及 李 傑 江 均 同 意 應 從 語 文 科 開 始 循 序 漸 進 式 以 普 通 話 教 學 ﹐ 不 過 李 傑 江 認 為 香 港 最 快 要 八 年 至 十 年 的 時 間 才 可 以 過 渡 。

謝 錫 金 又 以 加 拿 大 多 倫 多 天 主 教 學 校 為 例 ﹐ 說 明 其 他 地 區 亦 會 以 學 生 的 家 庭 語 言 作 為 教 學 語 言 ﹐ 學 校 會 以 葡 萄 牙 語 版 本 的 課 本 教 導 來 自 該 地 的 學 生 而 成 效 顯 著 ﹐ 反 映 學 生 以 最 熟 悉 的 語 言 學 習 為 最 佳 。

本 港 其 中 一 間 以 普 通 話 作 為 教 學 語 言 的 孫 方 中 小 學 下 午 校 校 長 曹 達 維 表 示 ﹐ 學 生 在 小 一 開 始 集 會 及 所 有 科 目 均 是 以 普 通 話 講 授 ﹐ 他 認 為 成 效 頗 為 理 想 。 「 學 生 在 小 時 候 吸 收 能 力 高 ﹐ 以 普 通 話 教 亦 可 剔 除 廣 東 話 中 好 多 常 用 的 俚 語 ﹐ 高 年 班 因 要 應 付 學 能 測 驗 ﹐ 才 會 有 小 部 分 科 目 不 用 普 通 話 教 。 」

我喜歡的電影

我從來都不跟影評看戲。看電影是很私人的一件事，喜歡不

喜歡那個橋段，那句對白，那幕場景，每人不同。我還聽說，寫影評的，都是沒法成為導演的。

2008年我朋友看了153套電影 (2008年剩2日，他還有時間看多幾套)，推介了10套好片。我沒有他看的多，20多套吧。湊熱鬧，在此推介幾套我喜歡的電影(不限於2008年上畫)：

No country for old men
The lives of others
Transformers
Million dollar baby
渺渺
Lost in translation
The life of David Gale
神探伽利略(後加)

後記：2009年除夕先看非誠勿擾；初日看神探伽利略。不料兩片都是悲劇。非誠勿擾是笑中有淚；神探伽利略是悲從中來。意料不及。

屈機

終於終於有人向報紙大字標題寫呢個Topic，估唔到重

要係佢*！

讀前思考題(讀後都得)：

1. 香港人均收入不到3萬美金，全球中等水平，但點解出左咁多富豪？
2. 點解咁多富豪絕大部份都係做地產？(仲要只向香港賺大錢，其他地方唔掂)
3. 咁賺錢，應該好有競爭力，但點解Fortune 500全球最大公司無一間係香港地產公司？
4. 成日話香港咩咩地少人多，舊機場咁大地方空左10年？係10年呀!!!!

思考題( 1.) 至( 4.)既model answer： 全港絕大部份人都俾地產商同香港政府「屈機」。

如果有睇之前香港雙白線應該知我話「屈機」既意思。唔明再講。


*信報2008年12月2日，《房地產商要自覺回饋和撒出香港》，劉迺強

香港多惡爺 (音'yeah')

生果報其中一段：


「黃女士與新婚的女兒、女婿和親家一行五人到泰國遊玩，

卻領教了港府慢三拍的危機處理手法，怒指此行令其高血壓更「 高幾度」 ，並形容女兒今次是「恐怖蜜月旅程」。
同機的譚先生形容，烏達堡機場儼如難民營兼冇王管，上機前安全檢查形同虛設；對於港府安排之混亂無章，更搖頭說「莫名其妙」。」

大家一早已經知泰國政局不隱，黃女士譚先生照去即是佢take 左risk預左有機會遇到突發事件，責任自理。依家好不幸真係出事返唔到香港，黃女士血壓高幾度同經歷o左「恐怖蜜月旅程」竟然怪「港府慢三拍的危機處理」。真係惡。

如果有條友娶o左個惡港女，貪佢有幾分似Stephie，點知經歷o左「恐怖婚姻旅程」，係o米又可以要政府包底攪離婚先？係都好啊。

好天真，好傻

近排成日聽到新聞話邊到邊到既地產項目降低地積比率，發展商願意「聆聽」社會對超高樓既反對聲音，又話發展局局長林鄭月娥好打得做到o野，迫到地產商就範。連靠舊區「重建」收幾百粒年終花紅既市建局主席張震遠近日都話重建要注重保育， Blar Blar Blar……

今朝聽商台話政府終於有D用「迫」到地產商讓步。

Come on。無錢賺o米起少d law，關政府有用咩事呢又。又關願意「聆聽」社會聲音咩事呢？唔係美國佬搞到咁大劑，連累香港股票跌經濟跌地產跌無人買樓，你話地產商肯唔肯起少幾層賺少d？

灣仔合和2期之前話起90層酒店加office，簡單計過條數就知依家一定無咁大需求啦。

商台個幾條友唔好咁天真咁傻啦。

不過諗諗下，好天真好傻既我都諗到既o野，商台班友會唔會諗唔到呢又？

馮國經講大話!?

利豐「裁員傳聞」蘋果報用「利豐員工：馮國經講大話」做標題。電視裡馮國經只係話裁員一千人係唔正確，根本無話唔裁員，但蘋果就寫「利豐集團主席馮國經昨午高調否認準備裁員的消息」。

依家經濟唔好大家都人心惶惶，仲整D失實報道嚇人。當然「做」大企業新聞「收視」一定高，但係咁樣砌「生豬肉」真係有D過份。

【利益申報：本瞎子曾是利豐員工】


【 本 報 訊 】 利 豐 集 團 主 席 馮 國 經 昨 午 高 調 否 認 準 備 裁 員 的 消 息 ， 更 堅 稱 公 司 本 年 底 的 員 工 數 目 會 較 年 初 更 高 。 言 猶 在 耳 ， 有 利 豐 員 工 即 時 向 工 會 求 助 ， 批 評 馮 國 經 「 睜 大 眼 講 大 話 」 ， 表 示 上 周 已 收 到 公 司 主 管 的 口 頭 通 知 ， 正 為 製 衣 採 購 部 員 工 重 新 配 調 職 位 ， 未 有 合 適 職 位 者 最 遲 下 月 中 會 接 到 公 司 的 正 式 解 僱 通 知 。 任 職 利 豐 製 衣 採 購 部 的 陳 姓 員 工 表 示 ， 公 司 管 理 層 上 周 五 已 向 不 少 於 150 名 員 工 發 出 口 頭 通 知 ， 指 會 分 階 段 裁 減 部 門 人 手 ， 初 步 會 試 圖 將 員 工 調 職 至 其 他 部 門 ， 未 有 適 合 職 位 者 下 月 中 將 收 到 解 僱 通 告 ， 並 在 通 知 期 一 個 月 後 離 職 。
內 地 聘 200 人 　 工 序 北 移
該 員 工 坦 言 公 司 早 前 已 於 內 地 招 聘 約 200 人 ， 計 劃 把 工 序 北 移 ， 他 已 有 失 業 的 準 備 ， 「 根 本 冇 職 位 安 排 到 畀 我 。 」 對 於 老 闆 馮 國 經 的 言 論 ， 他 感 到 非 常 憤 怒 ， 「 仲 要 繼 續 講 大 話 ， 真 係 好 無 良 。 」 據 悉 ， 受 影 響 的 員 工 最 長 年 資 達 10 年 ， 月 薪 最 高 約 為 20,000 元 。 利 豐 將 按 照 勞 工 法 例 賠 償 。 馮 國 經 昨 午 出 席 大 珠 三 角 商 務 委 員 會 會 議 後 指 出 ， 利 豐 裁 員 1,000 人 的 消 息 並 不 正 確 ， 但 公 司 確 有 意 來 年 精 簡 成 本 ， 目 標 是 節 省 10% 成 本 。 他 又 辯 稱 公 司 年 底 的 員 工 數 目 會 多 於 年 初 ， 只 會 在 完 全 沒 有 其 他 辦 法 下 ， 才 會 考 慮 裁 減 人 手 。 本 報 昨 日 報 道 ， 擁 有 3,500 名 本 港 員 工 的 利 豐 計 劃 裁 減 1,000 人 ， 公 司 又 發 出 內 部 通 告 ， 表 示 來 年 目 標 將 成 本 削 減 兩 成 。 職 工 盟 副 主 席 張 麗 霞 表 示 ， 現 正 組 織 受 影 響 的 利 豐 員 工 會 面 ， 期 望 爭 取 到 一 個 最 佳 賠 償 方 案 。 她 指 被 裁 減 的 利 豐 員 工 最 快 明 年 1 月 才 離 職 ， 馮 國 經 也 沒 有 保 證 明 年 不 會 裁 員 ， 批 評 他 的 言 論 取 巧 及 不 負 責 任 。 他 直 斥 馮 國 經 在 經 濟 低 迷 時 期 向 公 司 員 工 開 刀 ， 「 你 叫 人 點 相 信 你 經 濟 機 遇 委 員 會 做 到 出 ？ 」

對不起，范鴻齡

我依家有D後悔話范鴻齡向EMBA既講話無料。因為我覺得佢向中信泰富既地位同曾特首向香港政府既都一樣 —— 話唔到事。

個兩個替死鬼咁多年財務經驗我就唔信佢地睇唔到咁大downside risk。但係睇到又點？你話唔話到事先？范鴻齡一樣，太子女話做，你話唔話到事唔做先？(瞎子註：消息未經証實，而且好可能永遠都証實唔到)

記唔記得阿曾特首當初上任話要玩鋪勁搞政改，依家搞左D咩呢？話唔到事咩都搞唔到！

好多時係制度既問題，同有料無料未必有關係。

睇下中國改革開放前後就知啦。唔係點會同一班人，中國民生經濟開放前後可以差咁遠。

所以，sorry 范鴻齡。我唔應該話你。為左表示歉意，我罰自己一世都唔可以買中信泰富既股票！

買番中信泰富兩條過海隧道？

依家好多人都話政府應借機同中信壓價買番兩條過海隧道。你諗下政府咁弱勢，咩都唔敢做怕被人質疑，而且得罪阿爺間子公司呢D野邊個政府高官有膽同有能力做先？

合乎公眾利益但會損害權貴o既野我可以寫包單講，向依家o既政府裡面係唔會有人做o既！

中大EMBA讀唔讀得過？

藍籌中信泰富竟然因為‘外匯 I Kill You Later’損失155億。同政府唔駛點同市民交代一樣，中信對股東當然都唔駛點交代啦，唔係點會出事6個星期後先對外公佈，同抄左2個可能係替死鬼既人？唔知這種唔駛點交代既手法係唔係范鴻齡向行政局學，定係政府調轉向中資的中信泰富學？

話時話，我早排向信報睇到早前中大EMBA請左范鴻齡做課程嘉賓講管治。你話馬後砲、我蠢，咩都好，當時已經覺得佢講d野講左等於無講，都唔知睇完有咩得著(信報星期六中大EMBA，應該好易搵到)，估唔到真係無料到！當然，向中資打工，阿爺可能話曬事，你幾有料都無用。

如果係咁的話，中大EMBA仲讀唔讀得過？佢咁有‘眼光’事前搵左原來企業管治極有問題的中信CEO做課程嘉賓；定係中大其實知道很多人都會打中資工，所以先請定反面教材，預先警告EMBA校友千萬唔好打中資工？

如果係咁真係用心良苦。

雙白線香港(2)

由於懶的關係，之前話寫雙白線香港(2)，現在再續。

上文提到很多香港人為了改善生活，進修不斷，期望能改善自己的生活。蘋果陸日勤亦提到進修不等於增值，而且由於今日香港各行各業「專業」要求愈來愈多，令轉行困難，於是大家的際遇，只能由所屬行業的盛衰支配，好景時人工高，不景氣時人工減，即使是今日風光的金融業，也難逃這個命運。更糟的是，某些行業風光過後式微，從業員更苦。

但香港現在處處都雙白線，切線受阻，限制了我們改善生活。我認為除了陸日勤所講的原因外，還有一個很重要，甚至更重要的因由。

馬路、行車線和雙白線這個行車的大環境甚至是交通規則是誰設劃的？

最主要的設劃者當然是政府。行政、立法和司法基本上已構成整個行車大環境。路上的行車的車向、時速限制、交通條例基本上都由政府制定。可是現在香港的情況是，政府根本不理會大多數道路用家 — 市民的意向。

不要講轉線轉行，政府現在很多時都不會理大部分人的利益，只會傾向大財團和大地產商。最簡單看看北角灣仔一帶，小街一條竟然容許地產商起四五十層高的住宅，完全不理這些屏風樓對附近環境的影響，市民反對完全冇用。將舊區‘重建’後，地下商鋪租金之高根本容不下普通小生意，只有大財團或外國連鎖舖能負擔。更離譜的是，政府容許地產商起‘環保露台’免地稅，轉個頭地產商賣給市民露台卻計入賣樓面積。

地產商得政府的照顧，全港‘環保露台’加起來是多少個億的收入？

今日施政報告曾特首話生果金可由$700加到$1,000，卻要老人家做入息審查，巴X閉。全港老人家每人加$300加起來是多少個億？全港‘環保露台’加起來地產商有多少個億落格？

話條線設計有問題車禍連連或日久失收沙塵滾滾，如果你架車不是Bentley或者Hummer，只是單車或綿羊仔，香港政府是不會理會的，你最好搭政府做大股東的港鐵！

這就是我們的香港。雙白線處處的香港。

毓民大鬧民建聯

多講無謂，這段NOW選舉擂台片，必看！！！