死路一條

香港在於中國，改革初期主要是提供資金和技術，現在主要是金融，令一眾國企民企能在港籌集國際資金，推動國內經濟。你話回歸到現在國企民企在港籌集了多少資金？

早幾年四大銀行上市你試試在上海搞，叫D鬼打錢入國內投資？真係鬼睬你。人民幣無法自由兌換，又有外匯管制，又唔曉你咩憲法，鬼唔驚你封鎖資金血本無歸。所以先要靠香港金融業做集資。香港行普通法，以前又係英國鬼地盤，資金自由進出，D鬼起碼都叫熟地頭。

點解國內實行奢侈品稅及自由行，令國內大班人南下購物，明益香港？如果係回歸前，要統一領土當然會益你，就像現在對台灣一樣；回歸左，都益你唔益國內進口商，當然有原因啦。

只因香港的金融業對國家依然有重要價值。

所以經濟上，說阿爺打救香港不太對，其實係以物換物，購物換金融，好簡單。

政治上就唔一樣。以前就話香港做「一國兩制」俾台灣睇，現台灣購明唔接受，香港政治上已無價值，所以大家一路換唔到咩。

現在的所謂方案，又無提名權，又無參選權，其實只是民主黨讓步，不再堅持。你有咩政治價值可以同阿爺交換條件？無。無仲讓步？你退人進，再退再進，讓步根本行唔通，死路一條。